Aktuelles
Zentralschweizerisches Jodlerfest Menznau
Ungerem Motto "zäme met freud debie" hed vom 27.-29. Juni 2025 s'Zentralschwizerische Jodlerfescht in Menznau stattfunge. Das Dorf isch mit sehr viu Härzbluet in es Jodlerdorf verwandlet worde.
Mir Wystägeler si ou debie gsi und hei mit em Lied "Bärgwanderig" vom Ueli Moor dörfe Beschtnote heinäh. E grosse Dank üsere Dirigäntin, Danièle Iff, für ihri Arbet und Geduld mit üs.
Auffahrt 2025
Ar Uffahrt hei mir dörfe de Gottestdienst ir Chile z'Rohrbach musikalisch begleite.
Viu Vergnüege bim Lose vom Lied "Vom Gäh und Näh" vom Paul Schreiber.
Zu witere Föteli vo dem Alass.
Maibummel 2025
Zäme unterwägs dr Aare entlang - vo Wynau bis uf Wolfwil, mit dr Fähri übers Wasser u ame idyllische Plätzli brätlet.
Es riesigs MERCI de beide Organisatore, Marianne und Tom, für dä wunderschön, gmüetlich Tag!